أين انت يا بن العاص ؟ أين انت يا صلاح الدين ؟

freeheart · #1 (**permalink**) Jan-29-2008, 10:07 AM

أين انت يا بن العاص ؟ أين انت يا صلاح الدين ؟

اعزائى اعضاء منتدى مصرى كوول
السلام عليكم ورحمه الله وبركاته

معلش هو الموضوع كبير شويتين

فالى مش عاوز يرد مش يرد

بجد انا تعبنى او التفكير
وفى كلمتين جوايا عاوز اقولهم

أين انت يابن العاص ؟
أين انت يا صلاح الدين ؟

انا انسان عادى جدا بس جوايا كتير

جوايا احساس بالظلم لكل مصرى
ولكل فلسطينى

النهارده تصادف وجودى فى موقع للأخبار ولقيت فيه حته خبر تحفه

الخبر عباره عن ايه بقى يا جماعه

احتفال الصهاينه فى قلب مصر بعيد أبو حصيره

مين ابو حصيرة ده هو واحد من أيام زمان كان خارج يتمشي وكان عايش فى المغرب وسبحان الله فاق مره واحده لقى نفسه فى القاهره ومكنش معاه اى حاجه الا حصيره فا المصريين سموه ابو حصيرة قال لما اروح ازور واحد من حبايبى هنا ويكمل مشواره الى ارض فلسطين

لكن منها لله ثوره عرابى بقى قامت من هنا والراجل كان فى نيته يمشى ويرحل من مصر لكن لما قامت ثوره عرابى قال البلد دى احسن من غيرها

قعد بقى وعاش حياته فى الدلتا فى منطقه فى البحيره ومات واتدفن هناك

لكن تخيل بقى ايه الى يحصل ؟

مصر تفتح بوابتها الكبيرة لليهود للدخول فى عيد ابو حصيرة عشان يجوا يحتفلوا بعيد ابو حصيره ويعملوا الى هما عاوزينه

والامن القومى يفرض حصار على القرى المجاورة عشان يحموا اليهود

بقى تحمى اليهودى من المصرى ولا تحمى المصرى من اليهودى

بجد والله العظيم حاجه تجنن

اليهود الى طول عمرهم يحلموا ويقولوا من النيل للفرات

اهو جمب النيل ومين هيحاكمهم

انا بقول للى سمحوا بكده

اتقوا الله فى طفل يتيم فى ارض فلسطين
اتقوا الله فى شهيد مات امام عين طفله
وطفل مات فى حضن ابيه

اتقوا الله فى شهداء فلسطين

اتقوا الله فى شهداء سيناء

كام شهيد مات فى ارض فلسطين عشان ارضه ميدنسهاش يهودى

كام شهيد مات من اجل مصر وخروج اليهود منها

اللهم ما ارحمنا وارحم شهداء فلسطين وسيناء

اللهم ما اخرج لنا عمرو بن العاص وصلاح الدين

اللهم ما خلصنا من ايدى اليهود

admin · #2 (**permalink**) Feb-08-2008, 07:18 PM

ان شاء الله فلسطين هترجع تانى واللهم ارجحم شهداء
المسلمين شكرا يا فرى على توضيح هذة القصة والمعلومة تقبل مروى