منه لله قاسم امين بقى

[freeheart]

السلام عليكم ورحمه الله وبركاته
اعزائى اعضاء منتدى مصرى كول
معلش هو موضوع شخص واتمنى من البنات الى فى المنتدى ميزعلوش
النهارده كل يوم بنشوف واحده طالعه تقول انا زى الراجل
وايه الفرق
الراجل بيتجوز والست ببتجوز الراجل بيطلق والست بتخلع

من يوم ما ظهر قاسم امين وصفيه زغلول وبيقولوا الراجل زى المرأه
بقت عاده فى البنات والستات تقول احنا زينا زيكم

بس انا من رائيى الشخصى ان البنت عمرها ما كانت زى الولد
وطبعا الولد متفوق فى كتير عن البنت
فيا ترى الى ادى الحق ده للمرأه كان صح
رائي شخصى : طبعا غلط لانها عمرها ما اتساوت بالراجل
لا فى دين ولا شرع ولا حتى مجتمع
طول عمرنا بنقول ان المرأه نصف المجتمع
لكن المرأه فى اعتقادها انها هى كل المجتمع
بتروح الشغل زى الراجل وعلى العكس بترجع من الشغل لشغل البيت
وتقعد تقول انا بتعب فى الشغل والبيت وكلام فارغ كده ملهوش لازمه
طيب انتى ايه الى يوديكى الشغل من الاساس
وايه الى يخرجك من بيتك
ما تقعدى شوفى بيتك عاوز ايه
مش كده يبقى احسن ؟

ده رائيى وياريت محدش يزعل منى

[بسكوته]

لما يبقى الزوج مكفل بيته من كل احتاياجاته وزياده كمان

يبقى الست ساعتها مش تساعده وتقعد توف طلبات بيتها


لكن الظروف حاليا منيله

والزوجه بقت بتشتغل

مش علشان بقى عصر الحريه والست زيها زى الراجل والكلام الكبير ده


الست بقت بتشتغل تساعد زوجها واهلها





وانا عن نفسى بشتغل تضييع وقت

بدل النت والنوم

فى بردو سيدات كتير بتشتغل علشان تشغل وقتها



واكيد ورا شغل كل سيده فى سبب

لو دورت حواليك هتلاقى السيدات اللى حواليك كلها بتشتغل

اسالهم بيشتغلوا ليه..؟

ولكل واحد ظروفه الخاصه



بس كلام الشعارات ده على ما اظن انتهى

اللى بليدور على الشعارات دى الناس الفاضيه

اللى مناصبهم عاليه وعاوزين يعلوا اكتر

الله يهدهم

[ayat]

انا شايفه انك معاك حق طبعا فى كلامك

لان لو المرأة والرجل كانوا زى بعض

كان رسولنا قال كده

او كان ربنا نزل عليه كده

لكن طبعا الرجال قوامون على النساء

وفى شغل ضرورى فرض عين

وفى شغل لا اللى هو فرض كفايه

لو كانت المرأة دكتورة او مدرسة لفتايات أو الاعمال الاجتماعية فليس عليها حرج

لكن بقه لو باشمهندسة ولا اداريه ولا الكلام ده فيستحسن ان الرجل يغنى عنها خاصة لو زوجها لديه ما يغنيها

لكن طبعا لو محتاجة للمال فبدلا من الاحتياج للغير فهى تعتمد على نفسها من باب الاكتفاء الذاتى

وشكرا على طرحك للموضوع الجميل ده

[بسكوته]

كلامك معناه ان فعلا لكل واحد ظروفه الخاصه والظروف بتختلف


بس منه لله قاسم امين بجد

فى موضوع التعليم

ثحيح العلم نور

واول ايه نزلت على الرسول عليه الصلام والسلام كانت اقرأ


بس بردو

حرام تعليم 15 سنه

بتوع وزاره التعليم دول مش مستوعبين بجد اللى بيحصل فى دماغ الطلبه

ولما يجيب بقى مجموع قليل فى الثانويه العامه

بيدخل كليه غير اللى بيحلم بيها

هدفه بيتغير فى ثوانى


سواء بنت او ولد


هو قاسم امين اللى حررهم فعلا

وبعدين فعلا الستات بقوا عاملين زحمه

تحس ان البلد بقت كلها ستات اثلا




المفروض فعلا الستات ترجع تقعد فى بيتها



بس تفتكروا بعد تعليم 15 سنه

وناس اتعلمت 11 سنه


بعد كده هياخدوا الشهاده وكلهم هيقعدوا فى البيت


تيب اتعلموا ليه بقى لما هما هيقعدوا فى البيت بعدها



صعب اننا دلوقتى نقول للست اقعدى فى بيتك


لاننا مش نعرف اللى بتشتغل دى ظروفها ايه







وبالنسبه بقى للشعارات وحقوق المراه




الستات الفاضيه رفعت شعار المطالبه بحق المراه

المراه بقت قاضى ووزيره وسفيره

وبقى ليها حقوق تنصفها على الراجل

لدرجه ان المراه بقت بجد بتفترى

وبتستخدم ساعات القوانين بدل ما تنصف نفسها من الظلم

بقت هى اللى بتظلم





عاوزين ايه بقى اكتر من كده



انا هتجوز واقعد فى البيت هههههههههههه

[freeheart]

شكرا لمرورك ايات وانا من رائيك
المفروض كل واحد يعرف واجباته وحدوده
بسكوته زعلانه عشان 15 سنه تعليم
وكمان يا بسكوته لو الراجل مش مكفى بيته مكنش يتجوز من الاول
انا بتكلم على المراه الى ليها مزاج تكون عامله زى الراجل وبس
شكرا لمرورك يا بسكو

[توهان]

انت هتعملنا قلق فى المنتدى يا بسام
اولا ممنوع خروج المرآه للعمل الا باذن الزوج
ولو هو وافق يبقى انت مالكش دعوه تشتغل ولا لاء :d
ابقى قعد انت مراتك فى البيت

[freeheart]

حد يلغى اشتراك هانى وينوبكم ثواب خلصونى منه

شكرا على مرورك يا أخ

[بسمله]

السلام عليكم ورحمه الله وبركاته

هو ممكن يكون اعتقاد المرأه فى انها كل المجتمع وارد بس دا موش معناه انها غلط او انها موش جزء مهم من المتجمع

وبعدين الدين ساوى بين الرجل والمرئه فى حاجات كتير
بل وللعلم الدين الاسلامى بذات اكثر دين حرر المرئه وساوى بينها وبين الرجل

يكفى ان الله فى حسابه للرجل والمرئه متساويين

مقالش مثلا الرجل الل يعمل معصيه دا راجل ميعبوش شئ لا ساوى بينهم فى الحساب والعقاب والثواب


اما بنسبه للحال حالا فدا موش غلط قاسم امين ولا صفيه زغلول دا غلط التقليد الاعمى والجهل المنتشر فى القلب قبل العقل

ومع العلم ان قاسم امين لما طالب بالمساواه استند بالكتاب والسنه
ولما حرر المرئه مدعاش للبيحصل داالوقتى من تبرج وانحلال لا بالعكس هو طالب بتعليم والمعامله الحسنه لها

ودا مثلا لنبينا الحبيب فى معاملت زوجاته امهات المسلمين

لك جزيل الشكر اخى فى الاسلام وتقبل مرورى

والى الامام دائما