رجاء للجميع

[FIDOO]

ارجو من الجميع تحديد معاد يلتقى فيه جميع الاعضاء النشطين والغير نشطين لنحاول ترتيب المنتدى وزى ما بيقولو نعرف راسنا من رجلينا عايزين اعضاء جدد ونشطين فيه اعضاء بتحط مشاركتين وتخرج فورا ومبيرجعوش تانى وانا بلوم بعض الاعضاء على الرد بكلمه شكرا للمرور فقط دون التعليق على الموضوعات ولا تقديم اى استفاده لو لاحظنا هنلاقى نص المنتدى شكرا وموضوع جميل وكلام من دا انا عايز لما احط موضوع يتفتح نقاش مش نقفله قبل ما نفتحه ولا ايه يا جماعه اتمنى ان حال المنتدى يكون افضل واتمنى تواجد الادمن معانا بصفه مستمره يا اما تعين مشرفين متواجدين باستمرار لمتابعه المنتدى ويا ريت يكون عن طريق الانتخابات فيه اقسام كتير لم يتم تعين اى مشرفين عليها ودا مش صح علشان المنتدى يكون منظم لازم يكون لكل قسم مشرف يرتب ويحزف وينظم ويوقف اى عضو ممكن يتطاول ارجو النظر فى الموضوع والرد بسرعه بصراحه المنتدى مستقبله روعه لكن محتاج تنظيم
حبيب المنتدى
فيدووووووووووووووو كوووووووووووووووووول

[FIDOO]

يا ريت الناس تهتم انا عن نفسى واسمحولى احدد معاد الاجتماع ويا ريت الادمن يكون موجود
يوم15\3\2008يا ريت الجميع يكون موجود ايتو ورحمه وبسكوته والماجيك وكل الاعضاء النشطين والناس اللى هتكلم وانشاء الله نخلى المنتدى دا ترتيبه الاول عربيا بس الادمن يخليه معانا شويه

[نور]

بصرحا اخي الكريم انا لحظة الموضوع ده وبجد يضايق بعض المواضيع ممكن يتفتح فيها اكثر من جه لنقاش ومع ذلك بلقى كلمتين تقبل مروري
في منتديات مجرد ماتدخل الموضوع تتبسط اوي بتلقى الموضوع يوصل لحد 10 صفحات وفيه كلام حلو أراء تبسط اوي وحتى اختلاف في وجهات النظر انا لحد دي الوقتي ماقدرتش احدد شخصية اي زميل لانو مافيش ردود تخلية مميز او تظهر مدى تمكنه من ادارة نقاش انا اوافقك الرأي بشده واتمنى من الزملاء اقلها الي عندهم مشركات أو مواضيع عيزين التفاعل معاها يدخلو لانو بجد بطريقة دي المنتدى بجد ممل ومن غير زعل يعني اكتب ردك على الموضوع وخرج منو وعمرك ماتدخل مره ثانيه لانو هيكون موضوع ميت بنسبة ليك محدش هينتقد ردك او هيتفاعل مع موضوع بطريقة لائقه ده رأي ومن غير زعل

[ra7ma]

وانا موافقه على الفكرة بس للاسف فى اعضاء كتير بقالهم فترة مش بيدخلوا المنتدى


وان شاءالله احنا نحاول نخلى المنتدى اكبر منتدى عربى لانه بجد يستاهل انه يكون كده

وان شاءالله نتناقش مع بعض كلنا فى الموضيع اللى بجد محتاجه مناقشه

واصلا يعتبر مفيش مشرفين كمان وياريت يا ادمن تكون موجود معانا شويه

لان المنتدى فيه موضيع حلوة والمنتدى كمان جميل ولازم نكبره عن كده علشان ان شاءالله يكون اكبر منتدى عربى

[_eto]

اولا يا فيدووو انا بشكرك على الاقتراح دا
وعلى فكرة الادمن موجود على طول واعوذ بالله من كلمه انا الادمن وعلى فكرة انا متابع معاكوا وانا قولتلك على كام ملحوظة يا فيدووووو بس بالنسبة للاجتماع دا فكرة كويسة
وانا موافق معاك فيها واكيد تعين مشرفين دا حاجة مفروغ منها بس انت عارف ان المنتدى
لسة جديد فأنا عاوز كلنا نكتب فى جميع الاقسام وانا على حسب كل واحد وشغلة فى القسم وبالتنسيق معاة هيحب يمسك اى قسم انا مش هتأخر علية لانى زى ما قولت المنتدى دا بتاعنا كلنا وياريت لو اى عضو قلبة على المنتدى اه اقتراح او اضافة يتفضل يقولها وانا اكون مشكور جدا وبشكر فيدوو على اهتمامة وبشكر كل الاعضاء المتواجدين معانا والى الامام دومااااااا

[FIDOO]

خلاص يا جماعه الاجتماع هيكون يوم15\3\2008الساعه 7 باليل يا ريت الكل يكون موجود وهنعمل موضوع اسمه الاجتماع هيكون فى القسم دا ويا ريت نجتمع ونشوف عدد الناس اللى موجوده ونرتب الادوار

[Mr.MOHAMED]

انا موافق على الفكرة الجميله دى

والله الموفق يا فيدو

وان شاء الله يكون احسن منتدى منتدى مصرى كول

مش بالكلام بس لا بالمواضيع ومجهود اعضاؤه فيه

[سهم الحب]

لم اقرا الموضوع الا اليوم وبجد فكره جميله جدا وكنت اتمني اكون متواجد معاكم لو كان الاجتماع تم فعلا00 وبالنسبه لموضوع الردود انا معاك انه من المفروض الرد يكون وافي وبدون مجامله لكن ديما الانسان في البدايه لازم يحاول يوجد صداقات ويكون رده بايجاز خوفا من عدم تقبل الصديق اللي بيرد عليه لكلامه ودا امر طبيعي اعتقد انه هيتلاشي مع الوقت00وعموما عندي فكره هعرضها عليكم واتمني تعجبكم ياريت تقراها في الموضوع اللي هكتبه باذن الله حالا بعد ردي ده واحنا كلنا هدفنا واحد ديما وبنتمني يكون المنتدي افضل منتدي عربي

[FIDOO]

الاجتماع لم يتم علشان الاعضاء قليلين جدا بس انشاء الله الوضع هيتغير مع زياده عدد الاعضاء بجد يا سهم الحب انا معجب بيك جدا واتمنى ان تبقى معانا مشكور على الاهتمام