كيف تكشف وجود الــــــــــــــــــــــــــــــــــــــــردار

[mahmoud11]

السلام عليكم يا شباب
اناالنهارده حبيت اتكلم عن موضوع بيشغل تفكير ناس كتير جدا من راكبى السيارات الجديثه الا وهو الردار
لو اتكلمنا عن الردار فهو نموذج لعدم العداله على الطرق المصريه السريعه منه والداخليه منتهى الظلم انك تقارن سياره موديل 2008 بسياره موديل 1950
اذااااااااااااااااااى يا ناس واحد هيمشى مثلا على طريق زى الطريق الزراعى بعربيه حديثه ايا مانت نوعها على 60
دا انت لو مشيت على التانى هتجيب ال 60 ولا طريق زى طريق الاسكندريه الصحراوى ازاى مع الاربع حوارى الواسعين من البوابه للبوابه دول وتمشيلى على 100 كم ازااااااااااااى
حاجه تفلق
طيب دلوقتى نعلم ايه علشان منطلقتش ردار
وامتى بيشتغل الردار
وامتى مبيشتغلش
اسئله تحير الكثيرين من مستحدثى استخدامى الطرق السريعه
مع اقتراب الاجازات احب اقولكم على بعض النصائح الى ممكن تنقذكم من الرادر
بص يا سيادنا انا اولا هتكلم عن الردارات الى متوقعه على معظم طرق القاهره الزراعيه والصحراويه
وهتكلم كمان عن طريق التافادى وطرق الكشف
وتكروا دائما ان فوق ذ كل علم عليم
بص يا سيدى اولا طريق اسكندريه الزراعى الطريق ده يحير اى حد ممكن يستخدمه
بس هو اول ردار هيقابلك الردار الى فى طوخ والردار ده بيكون فى حد السرعه 60 يعنى لو انت ماشى على 70 كل سنه وانت طيب راحت الرخصه يا حاج
وبعدها فى تلت ردارات انا مش عارف اسم المناطق الى فيها بس هو فى 4 ردار على الطريق ده يا اما يتحط اتنين واتني او يتحطو الاربعه فى اتجاه واحد دا حسب موسم السفر
يعنى لو اتجاه اليوم ان الناس تكون نازله الابلاد وكده منوفيه غربيه منصوره وكده يعنى لغايه اسنكندريه هسيبقى المصيده فى اتجاه الاسكندريه
طيبيا عم الحاج دلوقتى اسنكندريه الزراعى فيها كام واحد
اقولك 4 وساعات بيبقوا خمسه
اول ردار هتلاقيه بعد البوابه بحوالى 10 كيلو تقربيا المنطقه دى بيبقا فيها ردار
وبدع كده فى ردارد بتاع سجن وادى النطرون ورادر بتاع مدخل مدينه السادات
وبعدها ردار تانى معرفش فين
وساعات بيبقى فى ردار على الملاحات
طبعا انا بقول الاماكن دى من خلال مرور على تلك الرادارت
يعنى عديت عليهم بدل المره ستلاف مره
ماشى طب وطريق اسماعليه يا حاجه
طريق اسماعليه ده طريق محترم جدا جدا جدا ليه لانه فيه اتنين رادرا واحد وانت رايح والتانى وانت جاى وانت رايح هتلاقى الردار بعد مدخل الشرق الاخير تهدى العربيه وتنزل لل 100 كم وتستنى لغايه ما الطريق يلف بيك شمال ساعتها هتقو اه كان عندى حق اهدى لانك هتلاقى الكمين مستنى المتصورين ردار
طب وانت راجع هتلاقيه قبل بوابه الخرج بتاع الكارته بحوالى 5 كيلو تقريبا
طب بلبيس الصحراوى
هو ردار واحد يتيم ومبيتعيرش هتلاقيه بعد حوالى 15 كيلو من البوابه وعلى اليمين قبل ملف
طب طريق السويس
طريق السويس ده بالاخص الى معرفلوش كمين ثابت بس هو ساعات قدام مدخل الراحب الجديد بيبقى فى ردار بس قليل
وكل الى رايح سينا واو راس سدر او اى حته بعد النفق احب اوقل انى عمرى ما قابلت ردار بعد ما خرجت من النفق نووووووووووهائى من النفق لغايه شرم الشيخ
طريق الغردقه دا باره عن قسمين القسم الاول طريق العين السخنه الجديد وده السرعه المسموحه 120 كيلو فيعنى الردار فيه مش مجذى اوى لانك ممكن تمشى 120 او 130 مستريح
بعد كده هتمسك طريق السخنه راس غارب ومن راس غارب للغردقه
اتحدىاى حد يقولى الردار بيبقى فين وطبعا لانه متغير باستمرا وتلاقى سواقين السياحه على الطريق بيتصلو ببعض بالموبايل لارشادهم عن وجوده وعلى فكره الردار هناك على 90 بس
طيب دلوقتى احنا عرفنا تقريبا معظم اماكن الرادرات طب اذاى تتفادى انك تتصور رادرا
يص يا سيدى
انت لو ماشى على طريق والمقابل ليك مكشوف يعنى انت شايفه كويس لو فيه ردار هتلاقى المقابل ليك بيقلبلك نور رعاش متقطع وطبعا دى ميكونش عربيه ولا انين هتلاقى الخط كله بيقلب ده دليل على وجود الردار
طبعا مستخدمى الطرق دى من سائقى النقل التقيل والخفيف والميكروباصات دول عارفين اماك نالردار بالشبر والسنتى حتى لو الردار مش موجود بيجى عند الردار وبيهدى
طب انا هعمل بيهم ايه تعمل كتير اولا لو انت شوفت عربيه نقل تقيل ماشيه على الشمال وبتجرى بيقى ده دليل على ان المنطقه دى خاليه من الردارات
ليه لان لو فيه ردار هتلاقيها ماشيه هاديه جدا بالنسه للسرعه المقرره ليها على الطرق وماسه اليمين لانه مينفعش يدخل على الكمين الى هو حافظ مكانه وهو ماشك الشمال يتسحب رخصه طبعا
دى حاه الحاجه التانيه لو لقيت ميكروباص هدا من غير اى داعى او ماشى على مهله بدون داعى خاصه على الصحراوى ده بردوا دليل على ان فى ردار
طب والحل
بس يا عم ان شخصيه بعمل بيه على معظم الطرق الصحراويه
انتو عارفين الميكورباص التيوتا الجديد ال 2700 سىسى ده طبعا تربوا
يعنى على الطريق صاروخ
كل الى عليك تفضل ما شى ملتزم بالسرعه المقرره لغايه ما يجى من وراك ميكروباص من دول وتفضل ماشى على سرعته هتلاقيه ماشى من 140 الى 160
واوعى عتديه لما تلقيه هدى سرعته
لانه كده بيهدى لرادرا
عن تجربه والله
وبهدعدها هتلاقي الردار مستنيك بعد ما تكن عديته بالسرعه المقرره
وتنك وراه متسيبهوش لغايه ما توصل برخصتك بالسلامه
طب الردار بيشتغل من امتى لامتى ؟؟؟؟؟؟
غالبها من 7 الصبح لغايه الساعه 3 العصر وبعدا بخ قفل امبيرك على ضمانتى
وربنا يستر طريق الجميع

[بلوتو]

يسلمو محمود على المعلومات دى

بس سؤال لولبى مش فى اشارات بين العربيات بتعرفك الردار

ولا لاء يعنى زى مثلا قلاب نور بقلبو لبعض نور يعرفو انى فى ردار

[FIDOO]

يا راجل انت كده بتحرض الناس على السرعه شكلك يا محمود هيتقبض عليك ههههههههههههه

[mahmoud11]

بص بصراحة يا بلوتو انا مش فاهم فى موضوع العربيات دى اوى

ليه كده يا فيدو

اصل انا عن نفسى مثلا لما بمشى على المحور مع صحابى اقول لاى حد دوس بنزين يقولى لا علشان الردار

فانا مش عارف ايه موضوع الردار اللى بيرغوا فيه ده

[FIDOO]

ما هما بعد الموضوع دا لو مسكوك على المحور مش هيسبوك تانى ههههههههههههههه

[mahmoud11]

ههههههههههههههههه

على اساس انا مسجل خطر

ده انا غلبااااااااااااااااااااااااااااااااااااااان

[ra7ma]

بس الردار ده علشان حمايه الناس والمحافظه عليهم


يعنى مش حاجه وحشه


وخصوصا على الطريق السريع


ناس كتير جدااااااا بتمشى بسرعه كبيررررررررر


ومن هنا بيحصل حوادث كتير جدااااا


فطول ما هما عارفين ان فى ردار اكيد هيمشوا بسرعه معقوله





ثانكس محمود

[mahmoud11]

انا معاكى يا رحمه

بس لو مشينا بالسرعة اللى هما بيقولوا عليها دى مش هنوصل

يعنى مثلا مشوار زى من القاهرة الى قنا لو مشيناه بسرعة 70 كيلو متر هنوصل فى حدود 15 ساعة

وليه كل ده و الناس كلها بتمشى بسرعة 130 او 140 ودى اقل حاجة

و بالزبط كده ممكن يكون خطر

فهما المفروض يمشوا بسرعة شوية بس تكون معقولة علشان برده متحصلش حوادث

و ربنا يستر علينا

[smartetsh]

لاء لاء لاء

بص بقى يا سيدى الطريقة دى
ومتجربة كمان

انا مرة كنت ماشى على الدائرى جاى من المعادى على الهرم

اول ما نزلت لقيت الكمين مسكنى

وقالي انت متصور ردار

قلتله متصور ازاى ولمأخذة؟؟؟\

قالي هات الرخص ولمأخذة

وادفع غرامة ولمأخذة برضه

ودفعت 201 جنيه

ولما بصيت فى الوصل لقيت نفسي متسجل سرعة 93 كيلو

والسرعة اصلا 90 كيلو


طبعا زعلت على ال201 جنيه

قامو ولاد الحلال قالولي لما تيجي تسافر او تركب طريق فيه ردار

ابقى نزل سلسلة من الجنش بتاع العربية اللى وار وخليها تحك فى الأسفلت طول ما انت ماشى

وحربت

ومشيت على صحراوى الصعيد على 130 والكمين سابنى ماشى ولا اكنى عنتر زمانى

اصلي ادام الكمين كنت ماشى على 20 كيلو فى الساعة

هههههههههههههههههه

ابقى جرب وقلي

[mahmoud11]

والله الطريقة دى لو اشتغلت يبقى انت زى الفل

انا اللى حصلت معايا كنت ماشى على الطريق الصحراوى و على حسب ما اسمع ان المفروض تكون السرعة 70 كيلو و احنا ماشيين على 130 كيلو بعد شوية لقينا الكمين بيقولنا انتوا الردار مصوركوا و رزعونا غرامة 150 جنيه

بس بجد الطريقة اللى انت قولت عليها دى لو اشتغلت بجد تبقى انت زى الفل