هل ستشارك فى اضراب يوم 4 القادم

[FIDOO]

شفت انت قلت ايه لازم نغير هو التغير لازم التغير صدقنى الشعب المصرى ايم عبد الناصر لما كان موجود وقف جمبه وكان بيبنى مصر طوبه طوبه لكن دلوقتى الريس باع كل اللى عمله عبد الناصر علشان ينسى الناس عبد الناصر وطبعا دا مش هيحصل وهو اللى هيتنسى علشان باع البلد للحراميه

[mahmoud11]

و الله كلامك حلو يا فيدو

بس انا اعتقد ان مش الاضراب هو الحل الوحيد دلوقتى

[FIDOO]

بالعكس يا محمود على فكره الحكومه خافت بعد نجاح موضوع الاضراب دا صدقنى لو الاضراب القادم نجح الحكومه هتعرف ان الشعب دا لسه صاحى مش ميت لازم كلنا نفوق هنخاف على ايه نفوق ونرجع رجاله

[mahmoud11]

انا عن نفسى مشفتش اضراب غير فى المحلة الكبرى

حتى الناس اللى قالت هتتجمع فى ميدان التحرير

الحكومة راحت بقى افتكرت انها هتلاقى جيش

لقيت الشارع فاضى خالص مفيهوش ولا بنى ادم


كل واحد يقول انا مالى لاتمسك

[FIDOO]

بص لو كل واحد هيفكر ويقول اتمسك يبقى عمرنا ما هنعمل حاجه ما نتمسك وفيها ايه يعنى هنموت

[mahmoud11]

ياريت انك تموت

عارف هيعملوا فيك ايه

دول هيزبطوك

عارف يعنى ايه هيزبطوك

ههههههههههههههههههههه

اه والله خد عندك بقى من تعذيب و حورات عبد الناصر دى و يطفوا السيجارة فيك

وممكن يخلوك تعترف ان انت اللى فجرت البرجين

[FIDOO]

لا صدقنى دلوقتى فيه لجان حقوق انسان وعلى فكره يا محمود اللى كان بيعمل الكلام دا اايام جمال مكنش بيعمله علشان جمال عبد الناصر مقلش يعملو كده ولكن دول كانو بيحاربو عبد الناصر وبيكرهو الناس فيه

[mahmoud11]

ازاى يا جدع لما تكلمنى على الميل هبقى اقولك علشان مينفعش اكلم هنا

[FIDOO]

هههههههههههههههههه يا عم اتكلم ولا يهمك الريس قال ديموقراطيه يبقى خلاص اتكلم

[احلام بنت عصرية]

كلنا لازم نشارك وكلكم لازم تنضمو لينا على موقعنا وجروب بتعنا على الفيس بوك وكل واحد يقول رايه

ومش مهم نشارك بس المهم ازاى تقنع غيرك ان يشارك فى الاضراب ازاى نكون كلنا ايد واحده ازاى نفكر نقضى على الظلم والفساد لازم تساهمو فى نشر الاضراب الوقت قصير والحكوومه بتسعى للجهاض الاضراب