حركات ربع كم: لازم تخش تشوفها

[mahmoud11]

انا قولت لازم نوقف واقفه من الى هيا دى عارفنها

و نقول على الحركات الربع كم اللى بتعملها البنات

شوفو بقى يا رجالة حركات البنات الربع كم
1- أنا ميهمنيش أى حاجة ولافلوس ولا حاجة فى الدنيا المهم أنت وبس أنا راضية بجحر المهم أكون معاك
(وبعد اسبوع واحد اتفرج يامعلم)
2-لو فضلت زعلان منى كده انا حموت نفسى
(ابقى قابلنى..ال اموت نفسى ال)
3-حستناك طول العمر يا حبيبى مهما حصل
(والواحد يسافر وهوا مطمن يرجع يلاقيها متجوزة وعندها عيلين)
4-انا جيلى عريس ومش عارفة اعمل ايه حيلى معهم فى البيت خلصت
(وهيا أساسا ماحدش معبرها غيرك)
5-النهاردة أسعد يوم فى حياتى
(يوم ماعرفته , يوم ماخطبها , يوم.... على اساس ان حياتها كلها يوم واحد)
6-أنا روحى بتتسحب منى لما بفكر أننا ممكن نسيب بعض
(معظمهم بيسيبوا بعض ومسمعناش عن حد منهم مات)
7-ماتصلتيش بيا ليه ياحببتى ...ماعيش رصيد
(بتلمحله علشان يشحنلها)
8-ماردتيش عالتليفون ليه ياحببتى..كنت قاعده مع ماما
( اكيد منفضاله ومش عاوزه تكلمه هاتغلب يعنى لو قامت من حنبها وردت عليه)
9-هاتتقدملى امتى
(بتتقال بمعدل 19 مرة فى الدقيقه)
10-انا بغير عليك
(تخنقه وتكره فى حياته وفى الاخر بحبك وبغير عليك)
11--كنت مع مين انا كلمتك وماردتش
(ممكن يكون فى الحمام او ماسمعش بس وش انت كنت مع واحده تانيه)
12-ايه رأيك فيا النهارده
(سؤال كل يوم)
13-انا هاقفل الموبايل بقى علشان دخله انام
(تشغل الشريحه التانيه وتكلم الواد الجديد الى اتعرفت عليه)
14-طب الموبايل هايفصل شحن سورى ياحبيبى سلام دلوقتى
(اقفل بقى غرمتنى ..دى كلها مكالمه)
15- طب سلام دلوقتى اخويا جيه
(افف ايه الرغى ده خرمتلى ودانى)
16-على فكرة .. انت اول ولد اعرفه و اديله تليفونى و اخرج معاه .. انا عمرى ما عملت كده ابدا
(ياراجل...أشمعنى)
17-انا مش فاهمة ليه الولاد بتبص للشكل و الجسم بتاع البنت ؟؟ بجد الولاد دول عينيهم زايغة اوى و سطحيين موت
(وهيا تلاقيها 24 متنحه فى صورة احمد عز)
18 - انا لما اتجوز لازم اشتغل .. مش بحب قعدت البيت
(علشان ماتطبخش ياريس)
بيتهيألى الكلام ده صح يا بنات
هههههههههههههههههه

أل بنات أل بنات مين يا عم
الله يرحم

[الماجيك]

هههههههههههههههههههههههههههه

دانت بنات المنتدى هيدبحوك يا حودة

انت يبنى عمال تعادى فى الحكومة والبنات يبنى خاف على نفسك

بس تعرف عندك حق كتيرررر جدا بيحصل كدا

بس دا ميمنعش ان فيهم الكويسين

[mahmoud11]

هههههههههههههههههههههه

شكل والله نهايتى هتبقى سوده ربنا يستر

بزمتك يا ماجيك مش بيعملوا الحركات دى

و انا طبعا مش بكلم على كل البنات

بس اكترهم

[سهم الحب]

همه يعملوا حركات نص كم ربع كم من غير كم خالص
المهم اللي بيصدق وبيطب
نعمل فيه ايه؟؟؟

[mahmoud11]

ههههههههههههههههههه

ده نقوله ربنا يرحمك

[سهم الحب]

يبقي ربنا يرحمنا جميعا
لاننا عارفين كل الكلام ده
وبنصدقه
او00
00بنعمل حركات ربع كم احنا كمان
تفتكر هما كمان بيصدقونا
ولا احنا كده كلنا بنضحك علي بعض

[mahmoud11]

انا متهيالى كله بيضحك على التانى

بس المفروض بقى منصدقش كل الكلام اللى بيقولوه

و ناخد بالنا من كلامنا كويس اوى

علشان منبقاش احنا كمان نص كم

[سهم الحب]

عارف ليه انا سالتك سؤالي ده
عشان كنت منتظر ردك ده
عشان اقدر اكمل كلامي واقولك
ان مش كل البنات بتعمل حركات نص كم000ولا كل الشباب بيصدقها
ومش كل الشباب بيعملوا حركات نص كم00ولا كل البنات بتصدقها
المسأله نسبيه000وصوابعك مش ذي بعض
موضوعك جميل00وشباب كتير اكيد هياخد باله بعد كده
عشان انا كمان اتعمل معايا
حركات 00نص كم

[mahmoud11]

المشاركة الأصلية كتبت بواسطة mahmoud11 [عزيزي الزائر يتوجب عليك التسجيل للمشاهدة الرابطللتسجيل اضغط هنا]

و انا طبعا مش بكلم على كل البنات

بس اكترهم

منا عارف ان مش كل البنات بتعمل الحركات دى

و انا قولتها قبل كده

و اكد مفيش حد زى التانى

يعنى انا لما اقول البنات بتعمل كده

مش شرط انهم يعملوا الحاجلت دى كلها ممكن تعمل حاجة واحده او حاجتين منهم او مبتعملش كده اساسا

و شكرا لردك اوى يا علاء و اهتمامك بالموضوع

[سهم الحب]

أكيد طبعا وانا بتفق معاك
بس تعمل ايه لو ف لحظه لقيت
خمس بنات بيحبوك وبجد
والاغرب ان فيهم اتنين اخوات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟!!!!!!!!!!!!!!!!!!!!!