الباحثة عن الحب و الحاقدة على الاخريات ..أول مرة

[mahmoud11]

لما قابلتة مرة صدفة..
كان يوم حبك أجمل صدفة..
لطالما أحببت الأغانى التى تتكلم عن الصدفة فى الحب...لطالما بحثت بين حكايات أصدقائى عن الصدفة فى الحب...هذة التقاها شاب فى الشارع بينما هى متجهة الى منزلها فى موعدها المعتاد,اخبرها كم يحبها و كم انتظرها و كم عاش عمرة يحلم بها حتى وجدها فإذا بها هى المارة امامة كل يوم فى الشارع...
اخبرها كم هى مميزة...كم هى معجزة و فلتة لن يجود بها الزمان علية مرة أخرى....اخبرها عن رغبتة فى التقدم اليها و الاقتران بها و لا يمر اسبوع لتعلن الخطوبة فى سعادة غامرة كأنها هى الاخرى كانت تنتظرة طوال حياتها....
بكل بساطة و بمنتهى السلاسة يكون الحب صدفة...just like that
هذة اتصل بها شاب على تليفونها المحمول عن طريق الخطأ و بدل من ان ينتهى الموقف بعبارات الاعتذار التقليدية ,إذا بة يشكرها و يترجاها ان تسمح لة الاتصال مرة أخرى فقط.... و يكون ردها هو الصمت المطبق!!!!و تنهى المكالمة و هى الشاردة الهائمة...(يا عبيطة دة أكيد عمل التمثلية دية مليون مرة على ميت واحدة قبلك....يا هابلة دة أكيد كان قاصد كدة من الاول و صدقينى هيقولك المرة الجاية انة حبك من صوتك و هلم جرّ لحد ما تقعى على جذور رقبتك) هابلة... هابلة..
فإذا بهذة الهابلة الساذجة تنتظر المكالمة المنتظرة ليس لشىء الا عشان تديلة الطريحة اللى هىّ..من الشتائم عشان تثبتلة انها مش أى أى و لا زى زى ممكن يتضحك عليها بكلمتين و انها فاهمة اللعبة كويس...
فإذا بها تفاجأ بالمكالمة الموعودة على عكس توقعاتها تماماً..تفاجأ بالشاب بكل أدب و تهذيب يقول لها انة بكل بساطة صوتها الجميل و روح شخصيتها الدال عليها صوتها ,هى الروح التى كان يحلم بها ,هى صوتقلبة التى كان يتمناها....!!!! و يختتم المكالمة بأن يخبرها عن رغبتة فى التقدم اليها و الاقتران بها و لا يمر اسبوع لتعلن الخطوبة فى سعادة غامرة كأنها هى الاخرى كانت تنتظرة طوال حياتها....
بكل بساطة و بمنتهى السلاسة يكون الحب صدفة...just like that
أين أنا من كل هذا....؟؟؟ هناك فى العالم بمكان ما شاب يحلم بمحبوبتة اميرة قلبة... وشابة تحلم بحبيبها ملك فؤادها و لا يستدعى الأمر علاقات حب فاشلة ولا بكاء و لا نحيب و عذاب وألم.... لا يستدعى اى من هذا إنما يستدعى بكل بساطة مكالمة تليفون خاطئة و نظرة فى لمح البصر لا تتعدى الثانية لفتاة غريبة مارة بالشارع؟؟؟....!!!!! just like that
أين انا من كل هذا؟؟؟؟
بقلم الباحثة عن الحب و الحاقدة على الاخريات....
ارجوالاعتذار عن بعض العبارات الحاقدة....

منقول

[FIDOO]

هههههههههههههه دا اصلا الموضوع كله حقد فى حقد بس حلو يا محمود عبيطه وهبله ههههههههه

[mahmoud11]

ههههههههههههههههه

منا بقولك البنات بيكون جواها احقاد ورا احقاد من بعض

[FIDOO]

والله دى مش احقاد وبس وضغائن وفتن ههههههههه نفسهم يولعو فى بعض والله العظيم انا شفت بعينى الكلام دا

[mahmoud11]

هههههههههههههههه

دول معظمهم عندهم حالات نفسية

ربنا معاهم

[سهم الحب]

ايه ياجماعه مالكم متحاملين علي البنات قوي ليه كده

سيبوهم في حالهم غلابه

من يوم مايتولدوا 00وبيحلموا بليلة الدخله

والفستان الابيض وف الاخر ياما تاخد واحد تطلع عينه ياما هو يطلع عينها

ياما تعنس وماتلاقيش اللي يتجوزها

يبقي من الطبيعي يكون فيه بينهم غيره00

واحنا اللي بنزود الغيره دي لان بجد

مراية الحب عاميه00عاميه 00تماما

[mahmoud11]

ههههههههههههه

شكرا لكلامك يا سهم

و انا معاك فعلا

بس انا بكلم ى نقطة ان البنت لما غيرتها بتزيد على الراجل بتسبب ليه ضيقه

[سهم الحب]

مانا بقولك ياما تطلع عينه

ياما هو يطلع عينها

الغيره ساعات كتير بتخنق لو زادت عن حدها لان الحب ذي مافيه غيره

المفترض يكون فيه ثقه مابين الطرفين00لو ذادت الغيره يبقي الثقه بتروح

يبقي الحب فقد اهم اركانه

[mahmoud11]

كلامك صح يا علاء

لازم يكون بره فى ثقة

لو الغيرة زادت عن الثقة تبقى مشكلة