بدء العد التنازلى للاضراب 4 مايو القادم

[احلام بنت عصرية]

اخوانى قد بدء العد التنازلى للاضراب 4 مايو القادم
فقد تم تحد يد المطالب النهائيه وهى كالاتى
تحديد المطالب أو الأهداف التى نعمل هذا الإضراب من أجل تحقيقها
1- إقالة الحكومة الحالية
2- تشكيل حكومة وحد وطنية من كافة أشكال الطيف السياسى
3- التجهيز والإعداد لدستور جديد للبلاد بتوافق وطنى
وبإشراف نادى القضاة و مجموعة من أصحاب الرأى المشهود لهم بالحياد والنزاهه والقبول الشعبى
4- محاسبة و محاكمة الفاسدين والمحتكرين ومهربى الأموال
5- الإفراج عن المعتقليين السياسيين
هذه بعض المطالب التى نقوم بالإضراب من أجل تحقيقها
وبعد عرض المطالب المتفق عليها
ناتى الى قائمه الممنوعات والتحذيرات
محاذير وممنوعات
1- الإضراب سلمى ولا يتعدى ذلك بأى حال من الأحوال
2- ممنوع التظاهرات والوقفات والمسيرات حتى ولو كانت صامتة ( حتى لا تتدخل الغوغاء والمأجورين لتشوية صورة الإضراب
3- لا توجد بننا وبين قوات الشرطة أى عداوة فهم إخواننا وأبناء وطننا ولا يجوز ولا يصح خلق العداوة بيننا وبينهم ونحن مشكلتنا مع الفاسدين و بائعى الوطن بثمن بخس
4- من لم يستطع المشاركة فى الإضراب لأسباب هو مقتنع بها أو مجبر عليها
لا يجوز تخوينه أو اتهامه بأنه متواطىء مع الحكومة أو خائن للشعب بل نتركة وما يريد وربما ينضم الينا فى الأعمال المقبلة
وينطبق هذا الأمر على المصانع والشركات والأفراد والهيئات
5- علينا لا نقول عدم التخريب وتحطيم الممتلكات بل منع التخريب ومحاصرة من يخرب أو يفسد وتسليمه للشرطة وهذا واجبنا لأن ممتلكات البلد هى ممتلكاتنا وأموالنا



وبعد عرض قائمه التحذيرات ناتى الى

ما تم الاتفاق عليه من وسائل سلميه للإحتجاج و ايصال رسالتنا لصناع القرار
1- الاجماع على تعليق علم مصر فى البلكونات و رايات سوداء و اى لوحات او لافتات تتضمن مطالبنا البسيطه
2- الاجماع على ارتداء ملابس سوداء و يفضل مطبوع عليها مطالبنا المحدده المذكوره بأعلى هذه الصفحه
3- تم بالإجماع الاتفاق على الإضراب عن شراء أى سلعه لمدة 3 ايام " و خصوصا اللحوم" لتمثل وسيلة تهديد للحكومه التى لا تعيرنا اى انتباه و لا تحترم وجودنا ولا تحس بمعاناتنا و كذلك الاضراب عن شراء السلع يعتبر تهديد لاى تاجر يرفع الاسعار اننا يمكن ان نتحد لمواجهته
عند حدوث حالة شلل فى هذا اليوم سيفكر الجشعون الاف المرات امام هذا الشعب الواعى
4- - تم الاتفاق على ان يحاول الجميع قدر استطاعته بكل السبل البقاء فى المنزل فى يوم الإضراب مع تعليق لافته على باب منزله بمطالبنا المشروعه
5- لإصحاب المهن الحرجه كالطبيب مثلا أو ما شابه و كذلك لمن لن يستطيع ابدا ابدا ان يبقى بالمنزل و كذلك بالنسبه للطلبه الذى يتوافق يوم الاضراب القادم مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و كذلك الاعتصام السلمى فى مجموعات إن امكن و يفضل ارتداء ملابس سوداء مطبوع عليهامطالبنا
6- نظرا لأن حكوماتنا فى مصر لا تعرف سوى بالحل الامنى
و نظرا لان صناع القرار فى مصر لا يعرفون سوى إرهاب الشعب و زرع الخوف كحل لجميع المشكلات
لذلك فإننا قررنا البحث عن وسيله لا تستغلها الحكومه كسبب للإعتقال و الترهيب
وسيله متحضره امنه لا يندس فيها بلطجية وزارة الداخليه المأجورون للتخريب و الدمار
7- على الجميع العمل بجد منذ اليوم حتى يوم الاضراب القادم على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول او مكالمات هاتفيه او البريد الالكترونى و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإضراب من الان حتى ميعاد الاضراب
و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه


[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[رحمه]

انا شايفه ان اى حكومه هتيجى بعد دى مش هتكون احسن حال من اللى قبلها

لاء بالعكس هتكون اسوء



لان البلد اصلا عايزة وقفه جامد اووووى فى الحاجات اللى بتحصل فيها دى


الحياه اصلا بقت صعبه جداااااااا


وانا شايفه بصراحه ان الاضراب مش بيجى بفايده فى الاخر


لا بالعكس ناس كتير بتروح ضحايا فيه وبتكون ناس مش ليها ذنب




اتمنى ان البلد حالها يتغير ويكون افضل من كده



وده مش هيتحقق غير لما نبدأ من جوانا احنا الاول




عموما ربنا يهدى الحال

[احلام بنت عصرية]

اختى الكريمه ياريت تقرى الموضوع شكلك مش قراتيه لان انا كتبه الاضراب سلمى يعنى قعد فى البيت مفيش مظاهرات

فياريت بلاش فلسفه فاضيه وكفايه احباط الله يخليكى وبدل متقولى كده ادعلنا ربنا يعلم احنا تعبنا ازاى عشان ننشر الاضراب ده بس احنا بنطاب الاجر من عند ربنا

[FIDOO]

معلش بقى انتونسيتو اهم مطلب وهو سبب كل المشاكل وبجد انا مستغرب ازى مكنش وسط الشروط وهو تنحى الرئيس محمد حسنى مبارك لانه بعد حكم استمر28سنه لم يحقق لمصر اى امان ولا اى استقرار ولا تطور اصبحت الجامعات معتقلات واصبحت الشرطه سفاحين كنت متوقع انكم تكونو اجرء من كده لكن فعلا خيبتو ظنى

[احلام بنت عصرية]

اخى الكريم شكرك ليك على سؤالك المهم
اولا عايزه ققلك على حاجه احنا مطالبنا كتير اوى واحلامنا يامه وانشاء الله هنحققها بس مش هنقدر نحققها مره واحده
زى منتا شايف بنواجه صعوبات جامده جدا وناس مش مقتنعه بفكرتنا فعشان نحقق احلامنا لازم نمشى واحده واحده ونقع الشعب انه يكون معانا عشان احنا ملناش اهداف سياسيه كلنا الشعب واى حد ممكن يقول رايه ويضيفه وننشره كمان ضمن المطالب يعنى انا مثلا اقترحت اقترحات كتير وتناقشت بس بعد المناقشات لقينا مش هنقدر نحققها دلوقتى وبعدين لسه التقيل جى بس الصبر ودعواتكم لينا وتشاركونا لان احنا منملكشى غير النت وبنتحارب فيه برده وشكرا ليك مره تانيه

[FIDOO]

ربنا معاكم وعلى العموم شعب مصر هيظل اقوى شعب ولن يزل ابدا

[احلام بنت عصرية]

-----------------------------------------------------------
يا ترى إنت مصري ؟؟
ويا ترى عجباك حالة البلد اللي احنا عايشين فيها ؟؟
أكيد عرفت وسمعت وشوفت ويمكن شاركت في إضراب 6 أبريل.
يمكن تكون عارف مدى نجاحه ويمكن لا، لكن أكثر من 60% من شعب مصر كان مضرب
سواء اللي مرحش شغله او مرحش كليته او مدرسته
لكن طالما لم تحقق مطالبنا نحن الشعب.. أبسط مطالبنا
فسنضرب مرة أخرى من أجل لقمة العيش
وكلما كنا متحدين أكثر كلما كان إضرابنا أقوى وتأثيره أقوى
شارك وكفايه سلبيه شارك وكفايه خوف شارك بكره عمره ما هيكون احلى
وانت واقف مكانك وبتفكر في نفسك
إضرابنا الجاي هيكون يوم 4 مايو
وإحنا مش أحزاب سياسية ولا لينا دعوه بتغيير حكومة ولا بتغيير رئيس
وأهدافنا واضحة ومحددة وبسيطة:
1- حد أدنى للأجور لكل الفئات و الوظائف و ربط الأجور بالأسعار
كما يحدث فى جميع الدول التى تعانى من الغلاء
2- اجراءات حقيقيه لوقف ارتفاع الاسعار و منع الاحتكار
إحنا كلنا واحد كلنا مصريين
إضرابنا القادم يوم 4 مايو
وهذا *فقط* هو شكل الإضراب:
1- لالالالا تشتري أي شئ مهما كان، هي كلها يوم واحد
2- خليك في البيت - هتخسر إيه أكتر من اللي خسرته
مش صعب انك تشارك
لكن هيكون صعب اوي ان بلدنا تتصلح او حالنا احنا يتصلح لو ماشركتش معانا

ولو عندك شك في اللي حصل يوم 6 أبريل شوف الفيديو دا عشان تعرف حقيقة اللي حصل في اليوم دا
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وشوف الفيديو دا لو وصلتك معلومات خاطئة عن حقيقة ما حدث في المحلة
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
لو مصري
عايز تعيش بكرامة
شارك معانا ومع كل مصري
ابعت المنشور ده لاكبر عدد ممكن
ده اقل واجب منك و اقل حاجه ممكن تعملها ليوم 4 مايو
امضاء
شعب مصر

[احلام بنت عصرية]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]


[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[FIDOO]

بس انا شايف انه فيه مطالب كتير ومن اهمها البطاله ناقض الاشراب دا حجات كتييره علشان يكمل

[احلام بنت عصرية]

مش فهمت صراحه حضرتك تقصد ايه تقصد ان مكنشى ضمن المطالب موضوع البطاله
يعنى