هو العيب في مين ؟

[freeheart]

السلام عليكم ورحمه الله وبركاته

اعزائى اعضاء منتدى مصرى كووول

النهارده وانا قاعد بتفسح فى صفحات النت

لاحظت حاجات كتير فى مواقع الاخبار

سواء الموضوع يمس التعليقات ولا لاء

الموضوع بيبقى ع الكوره ولا مسرح ولا فيلم جديد

والناس بتعلق على الحكومه

انا عارف ان فى ناس كتير هتوجهلى انتقادات وتقولى عليا دسيسه :d

انما فعلا الوضع مختلف نهائى

لو حد قرالى مواضيع سياسيه هتلاقوا منها كتير ضد الحكومه

بس يا ترى الاضراب الى اتعمل فى ابريل ومايو والى ناووين يعملوه

عمل ايه ؟ ولا حاجه ؟

انا فعلا شايف ان العيب مش فى الحكومه

العيب فى الناس

الغلاء طول عمرنا عايشين فيه

وموجه الغلاء الاخيره موجوده فى العالم كله مش فى مصر بس

والحكومه بتحاول على قد ما تقدر تقلل الخسائر للشعب

منها العلاوة والحد من منسوب الجمارك للسلع الغذائية

ولما نيجى نقول ماهو البنزين غلى هنقول ان كل حاجه هتغلى

البنزين غلى بمنسوب كامل وامبارح لو حد متابع الاخبار

قريت فى موقع ان امريكا تهدد بوقف صفقة اسلحه للسعودية

نتيجة لاحتياجات النفط ( البترول يعنى ) :d لان الازمة مع الكل

مش فى مصر بس يعنى فى امريكا والسعودية والامارات وغيرها وغيرها

انما طبعا الشعب بتاعنا سبحان الله بقى بين يوم وليله اسد

طلع وقف الدنيا كلها ومفيش شغل

والى يتعطل يتعطل ما يولع المهم نعبر عن رائيينا

ناسيين ان التعبير عن الرأى جاب وراه مصايب

منها مصابين ومنها حريق فى محلات وسيارات ومدارس وغيرها

والحكومه رغم كده زادت العلاوه الى 30% تقليل نسبة الجمارك على السلع الغذائية

وطبعا احنا شعب زى الفل مش بيعجبه العجب ولا الصيام فى رجب

انما انا كشاب بقول ان الاضراب مش الحل ولا حتى لو عملتوا انقلاب عسكرى

مش هو ده الحل ؟

هتقولى مفيش شغل هقولك مفيش شغل من 100 سنه فاتوا

بس محدش يقولى انه مش بيشتغل

اها انا عارف ان فى ناس بتشتغل ومش عاجبها شغلها

بس مضطره انها تشتغل

الشغل مش عيب اين كان صفة الشغل ؟ ادام مش حرام ومش مخالف للشريعة ولا القانون؟

ولا هو بقى عيب

المصيبه بقى بجد ان الناس راميه كل حاجه على الحكومه

ولا كان فى حاجه عليها هى

لا يصلح الله ما بقوم حتى يصلحوا ما بأنفسهم

[za3za3]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟

[FIDOO]

طبعا انا عايز اقولك حاجه شئ طبيعى ان العيب فى الناس وربنا مش بيحكم ظالم على شعب الا لو كان الشعب نفسه ظالم ودا سببه بعده عن الدين لكن انك تقولى العيب مش فى الحكومه لا طبعا مين بيعتقل الناس مش الحكومه مين بيعزب الناس مش الحكومه مين اللى بيصدر الغاز الى اليهود مش الحكومه ومين دخل النباتات المسرطنه مش الحكومه ومين اللى خلاص واحد زى احمد عز الطبال ليه شنه ورنه مش الحكومه مين اللى باع مصر مش الحكومه ومين اللى اوقف المشاريع الجباره مثل توشكى مش الحكومه فين المصانع وفين الانجازات الله يرحمك يا جمال

[freeheart]

المشاركة الأصلية كتبت بواسطة FIDOO [عزيزي الزائر يتوجب عليك التسجيل للمشاهدة الرابطللتسجيل اضغط هنا]

طبعا انا عايز اقولك حاجه شئ طبيعى ان العيب فى الناس وربنا مش بيحكم ظالم على شعب الا لو كان الشعب نفسه ظالم ودا سببه بعده عن الدين لكن انك تقولى العيب مش فى الحكومه لا طبعا مين بيعتقل الناس مش الحكومه مين بيعزب الناس مش الحكومه مين اللى بيصدر الغاز الى اليهود مش الحكومه ومين دخل النباتات المسرطنه مش الحكومه ومين اللى خلاص واحد زى احمد عز الطبال ليه شنه ورنه مش الحكومه مين اللى باع مصر مش الحكومه ومين اللى اوقف المشاريع الجباره مثل توشكى مش الحكومه فين المصانع وفين الانجازات الله يرحمك يا جمال

أولا اشكر اهتمامك وردك

ثاينا لو هنقول ان الحكومة بتعتقل هى بتعتقل الناس الى ماشيه فى الشارع ولا بتعتقل مين ؟

ولا الغاز الى بيتصدر لليهود احنا جينا لنقطة التطبيع وعلى فكرة الدولة الصهيوينة تم الاعتراف بيها فى ايام السادات الله يرحمه لانه اول من اعترف بيها كدوله وسافر يعمل معاها السلام

اما موضوع المنبيدات والحاجات دى كلها اظن كان واضح كويس اوى انه كان اختيار الشعب لبعض فئات مجلس الشعب ولا مجلس الشورى

ومن امتى احمد عز كان طبال ؟ طول عمر احمد عز من ساعه ما وعينا على الدنيا ومعروف مين احمد عز وبعدين هنتكلم على الحديد الراجل حر ان شاء الله يولع فى المصانع كلها ماله وهو حر فيه محدش يقدر يحاسبه عليه علما بأن المواد الخام من حديد وبترول فعلا غليت جدا

وبعدين المشروعات ايه الى بنتكلم عليها انت سمعت عن كام مشروع

أولا مشروع توشكى معروف منذ البداية من ايام السادات عندما طرح هذا الموضوع على مجلس الشعب وتم رفضة نظرا لعدم صلاحية التربة لتقبل المياه بمعنى ان مهما حطيت ميه الارض هتشربها ومع ذلك تم فتح المشورع مره اخرى ايام عاطف عبيد وتم غلقه مره اخرى نظرا لعدم تقبل المشروع

وبعدين كلنا بنتكلم على عيوب الدوله ومحدش واخد باله من مميزاتها

ولو عاوزين نعرف مميزاتها مخلياك عايش أمن مش زى العراق ولا لبنان ولا غيرها

ودى اقل حاجه

شكرا مره اخرى لردك واهتمامك

[mahmoud11]

انا معاك و بقول العيب مش فى الحكومة

العيب فينا احنا

لا يغير الله بقوم حتى يغيروا ما بانفسهم

و انت يا فيدو بتقول العيب فى الحكومة اللى بتعتقل الناس

مين اللى اختار الحكومة دى و مين اللى ادالها السلطة انها تعمل فيك كده

عمالين تقولوا على مبارك انه وحش

طب لو هو وحش اختارتوا فى انتخابات الرئاسة اللى فاتت ليه

و تيجوا بعد كده تقولوا الحكومة و الريس

و الله صدقنى العيب فينا احنا

[freeheart]

شكرا لمرورك وردك يا محمود

[الماجيك]

بصوا يا جماعة لازم نكون متفقين على حاجة ان كل شى فى الوحش وفى الحلو

يعنى الشعب فية الحلو والوحش والحكومة كذلك

يعنى لازم اصلاح من الناحيتين البلد فيها فلوس كتير وموارد كتيررر بس الرحمة علينا شوية

احنا ممكن نبقى من احسن الدول بس السلوكيات لازم تتغير

وعلى كل الكلام دا مفيش حاجة هتتغير هنفضل زى ما احنا محلك سر

يعنى مهما نغلى فى دمنا ونضايق ولا حد سامع ولا حد حاسس كلة يالة نفسى

الى نقدر علية هو الدعاء ربنا يفك كربنا ويبعد السفهاء عننا

[FIDOO]

المشاركة الأصلية كتبت بواسطة freeheart [عزيزي الزائر يتوجب عليك التسجيل للمشاهدة الرابطللتسجيل اضغط هنا]

أولا اشكر اهتمامك وردك

ثاينا لو هنقول ان الحكومة بتعتقل هى بتعتقل الناس الى ماشيه فى الشارع ولا بتعتقل مين ؟

ولا الغاز الى بيتصدر لليهود احنا جينا لنقطة التطبيع وعلى فكرة الدولة الصهيوينة تم الاعتراف بيها فى ايام السادات الله يرحمه لانه اول من اعترف بيها كدوله وسافر يعمل معاها السلام

اما موضوع المنبيدات والحاجات دى كلها اظن كان واضح كويس اوى انه كان اختيار الشعب لبعض فئات مجلس الشعب ولا مجلس الشورى

ومن امتى احمد عز كان طبال ؟ طول عمر احمد عز من ساعه ما وعينا على الدنيا ومعروف مين احمد عز وبعدين هنتكلم على الحديد الراجل حر ان شاء الله يولع فى المصانع كلها ماله وهو حر فيه محدش يقدر يحاسبه عليه علما بأن المواد الخام من حديد وبترول فعلا غليت جدا

وبعدين المشروعات ايه الى بنتكلم عليها انت سمعت عن كام مشروع

أولا مشروع توشكى معروف منذ البداية من ايام السادات عندما طرح هذا الموضوع على مجلس الشعب وتم رفضة نظرا لعدم صلاحية التربة لتقبل المياه بمعنى ان مهما حطيت ميه الارض هتشربها ومع ذلك تم فتح المشورع مره اخرى ايام عاطف عبيد وتم غلقه مره اخرى نظرا لعدم تقبل المشروع

وبعدين كلنا بنتكلم على عيوب الدوله ومحدش واخد باله من مميزاتها

ولو عاوزين نعرف مميزاتها مخلياك عايش أمن مش زى العراق ولا لبنان ولا غيرها

ودى اقل حاجه

شكرا مره اخرى لردك واهتمامك

من ساعه لما وعيتى على الدنيا واحمد عز تعرفيه لا معلش يبقى انتى لسه مولوده السنه اللى فاتت من امتى وانى بتسمعى عن احمد عز هههه وانتى بتقولى انتى عايشه فى امن امن ايه شوفى حلات الاختصاب وشوفى السرقه وشوفى المخدرات اللى انشرت وبقيت زى اللبان شوفى الانحطاط الاخلاقى بين الشباب وبعد دا كله تقولى امان دا اللى احنا فيه هو اللى عدم الامان نتى يعنى انتى مع السلام؟ايه رئايك ان السلام مع اليهود هو سبب كل البلاوى دى الشعب ايام الحروب السابقه كان صاحى شعب قوى يبنى وقدر قيمه لقمه العيش والحكومه كانت بتحب مصر مش بتحب مصلحتها وكل واحد وكرشه انا شايف انك مع الحكومه وبتدافع عن احمد عز وبتقول سعر حديد الخام غلى شوف النسبه والتناسب سعر الحديد وسعر الحديد الخام وانتو تعرفو انه مغلى بنسبه رهيبه وعلى فكره احمد عز طبال كان بيطبل ورا رقاصه بس ربنا فتحها عليه من ساعه لما دخل حزب الطبالين اظدى الحزب الوطنى بس بجد انا مستغرب على موضوع الامان دا مصر كانت بلد الامن والامان وعلى فكره حضرتك بتقول الحكومه بتعتقل الناس اللى فى الشارع لا طبعا ما هيه مش للدرجادى بس الحكومه حولت الجامعات لمعتقلات هو لالازم المعتقل يكون سجن لا طبعا الجامعات اصبحت معتقلات الجوامع والخطب بتاعتها المكتوبه مسبقا فى امن الدوله تعزيب الاحرار وتدمير كل حزب تجراء ورشح عضو لرئاسه الجمهوريه تجهيز توريث الحكم الكوسه والمحسوبيه والرشاوى وفساد الوزراء وبعد دا كله وبتقولى امان امان يا لللى امان

[freeheart]

المشاركة الأصلية كتبت بواسطة FIDOO [عزيزي الزائر يتوجب عليك التسجيل للمشاهدة الرابطللتسجيل اضغط هنا]

من ساعه لما وعيتى على الدنيا واحمد عز تعرفيه لا معلش يبقى انتى لسه مولوده السنه اللى فاتت من امتى وانى بتسمعى عن احمد عز هههه وانتى بتقولى انتى عايشه فى امن امن ايه شوفى حلات الاختصاب وشوفى السرقه وشوفى المخدرات اللى انشرت وبقيت زى اللبان شوفى الانحطاط الاخلاقى بين الشباب وبعد دا كله تقولى امان دا اللى احنا فيه هو اللى عدم الامان نتى يعنى انتى مع السلام؟ايه رئايك ان السلام مع اليهود هو سبب كل البلاوى دى الشعب ايام الحروب السابقه كان صاحى شعب قوى يبنى وقدر قيمه لقمه العيش والحكومه كانت بتحب مصر مش بتحب مصلحتها وكل واحد وكرشه انا شايف انك مع الحكومه وبتدافع عن احمد عز وبتقول سعر حديد الخام غلى شوف النسبه والتناسب سعر الحديد وسعر الحديد الخام وانتو تعرفو انه مغلى بنسبه رهيبه وعلى فكره احمد عز طبال كان بيطبل ورا رقاصه بس ربنا فتحها عليه من ساعه لما دخل حزب الطبالين اظدى الحزب الوطنى بس بجد انا مستغرب على موضوع الامان دا مصر كانت بلد الامن والامان وعلى فكره حضرتك بتقول الحكومه بتعتقل الناس اللى فى الشارع لا طبعا ما هيه مش للدرجادى بس الحكومه حولت الجامعات لمعتقلات هو لالازم المعتقل يكون سجن لا طبعا الجامعات اصبحت معتقلات الجوامع والخطب بتاعتها المكتوبه مسبقا فى امن الدوله تعزيب الاحرار وتدمير كل حزب تجراء ورشح عضو لرئاسه الجمهوريه تجهيز توريث الحكم الكوسه والمحسوبيه والرشاوى وفساد الوزراء وبعد دا كله وبتقولى امان امان يا لللى امان

فيدو انا ولد اولا

ثانيا لو هتتكلم على الجرايم وبتقول البلد مفيهاش امن يبقى الاغتصاب وغيره مش من الحكومه
دى من ناس لا عندها تربية ولا اخلاق ولا اى حاجه ولا الحكومة ؟
وبعدين انت بتقول احمد عز ماله ؟ معروف راجل بقى عنده مصانع حديد ان شاء الله بين يوم وليله هو حر فيه ان شاء الله يحرقها كلها
وبعدين السلام مع اليهود مش من ايام حسنى انما من ايام السادات الله يرحمه هو الى راح وهو الى حط الاساسيات
وبعدين انت بتقول ان الجامعات بقت معتقلات طب ازاى اذا كان انت مش بتتكلم الا فى الجامعة سواء مع اصحابك او بتعبر عن رائيك مش مشكله انك تعبر عن رائيك انما المشكله انك تخرج عن المسموح بيه كالمظاهرات وبعدين لو عملت مظاهرة داخل الجامعة دى مش مشكله انما لو خرجت بره الجامعة دى الى مشكله مش هنقول ان الحكومه بتحبس رائيك وصوتك انما شوف كام الف هينضمن ليك من اجل هدف شخصى زى تخريب المحلات الى حصلت والمدارس الى اتحرقت والسيارات وغيرها وغيرها

وبعدين مش عاجبك كلمه امان طيب روح يا عم كده عيش فى العراق ولا فى لبنان وانت تعرف انت فى امان قد ايه على الاقل خالص محدش تجرا وجيه يحتل بلدك وقتها كنت هتعرف قد ايه الامان موجود

[&بوسي&]

انا شايفه ان كلامك معقول صح الواحد طول عمرو عايش و الاسعار بتزيد و بتقل عمرنا ما شفنا الخناقات الي بتحصل دلوقتي قبل كدا و يمكن هي موجوده بس مش بشكل دا
البلاد بدأت تكبر و الاعداد بتزيد لازم يكون في مشاكل و مش معنى كدا ان الحكومة هي الغلطانه