انت يا شاب انت وهو تعالي اعرفك ازاي تعامل الجنس اللطيف خطيبتك يعني يلا بسرعه ادخل وات

[بتنجانه]

ازاي الولد يعامل خطيبته.. هاقول لكم إنتم كمان شوية حاجات بسيطة جدّاً تاخدوا بالكم منها وهي:

1 ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.

وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:

وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:

بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل..
بس كده..

مستنيه اعرف آراءكم إيه
في الكلام اللي اتقال ده..

كمان لو حد عنده أي نصيحة يحب إنه يقدمها
لأي اتنين مخطوبين يا ريت يقول لنا عليها،

[mahmoud11]

هههههههههههه

يلا يا بت اجرى روحى

احنا هنافق من اولها

و بعدين احسس مين انها احلى بنت فى الدنيا

انتوا مبتشوفوش بنات و لا ايه

[بتنجانه]

هههههههههههههههههههههههه

هوه انا قولتك حسسنى انا

انا بقولك حسس خطيبتك انها احلى بنت

ههههههههههههههه

ده انت غريب يا هانى

[mahmoud11]

يلا يا بنتى انتى احسس مين

ده انتى من دور ولادى

و بعدين انا مش هخطب هجوز على طول

اصل انا جاهز متشوفيلى عاروسة تبقى كسبتى فيا ثواب

[FIDOO]

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.
بس يا باتى انا لو عملت كده هتقول عليا مش راجل خالص

[mahmoud11]

خليك شاب خيخة يا فيدو

علشان تعجب الحتة بتاعتك

هما عايزين كده

ربنا ينتقم منهم و اوعى متسقطش البنطلون لحسن تزعل

و البس القميص و افتح زرايره كلها و يا ريت تلبس سلسلة يبقى افضل

[mahmoud11]

خليك شاب خيخة يا فيدو

علشان تعجب الحتة بتاعتك

هما عايزين كده

ربنا ينتقم منهم و اوعى متسقطش البنطلون لحسن تزعل

و البس القميص و افتح زرايره كلها و يا ريت تلبس سلسلة يبقى افضل

[بتنجانه]

ههههههههههههههههههه

خليك على جمب كده يا محمود


انا اقصد من النقطه دى

ما تبقاش واد لبط وانت ماشى معاها

تعامل مع الموقف بحضاره اكتر

عشان ما تحرجهاش وهيه ماشيه معاك

[الماجيك]

ياجماعة ما انت لو مشيت تضرب كل واحد يبصلها مش هتخلص لان الناس دلوقتى بتبص على المحجبة قبل الى لابسة لبس من اياها فخليك متمالك نفسك شوية

ما انت مش هتقضى الخروجة ضرب وخناق دا حتى تبقى خروجة تخنق

[بتنجانه]

الله عليك يا حازم

هوه ده اللى انا قصدته يا جماعه

ميرسى لدخولك يا جنتل