بتضحك لية

[الماجيك]

الشاعر : أسامة عبد الصبور
بتضحك ليه ؟

سألني سؤال
وحيرني ف ردي عليه
سألني "رغم أحزانك بتضحك ليه؟"
سؤالك صعب يا ابن الإيه
تصدق ...
عمري ما سألته لنفسي ف يوم
ولا فكرت يوم في جواب
أقولك إيه ؟
أقول فرحان ؟
ما حِبشْ إني أكون كداب
مانا واحد من الملايين
حزين .. لكن ف قلبي حنين
للحظة فرح تملاني
تفكرني بإني شباب
مابكرهشي سواد الليل
وحالف إني مالبسهوش
وأحوش الدمع لما يسيل
ومهما يزيد عليَّ الكيل
على وشي أمل منقوش
ولسه اليأس ماعرفتوش بحمد الله
ورغم القهر والمعاناه
بعوم وأحلم ببر نجاه
ولما الصبح نور الشمس يتقسم
بقول الله وأقوم أرسم
ملامح وش طفل بشوش
قابلته زمان ... وكان ياما كان
ورغم الحزن مانستهوش

[&بوسي&]

الموضوع رائع بجد و رومانسي فعلا
شكرا ليك

[سهم الحب]

ومهما يزيد عليَّ الكيل
على وشي أمل منقوش

الامل ديما شيء جميل

شكرا ماجيك علي القصيده الرائعه دي