ريم و محمد

&بوسي& · #1 (**permalink**) Jun-17-2008, 07:53 PM

أهلا بيكم و بضيوف الحلقة (حاسه اني بقدم برنامج)
المهم
في الحقيقة أنا فكرت اكتب قصة و أبطالهم هما ريم و محمد و يارب تعجبكم
يلا نبدأ و نقرأ كلوا مش سطرين و رد و يلا هههههههه لا بهزر

الحلقة الأولى

ريم طالبة ف الأعلام في سنة أولى زي العادة كل يوم بتعمل نفس الحاجات و معندهاش حاجه جديدة تعملها (زينا بالظبط)
يوم الأحد الي فات نزلت ريم تروح الجامعة الصبح و طبعا نازلة من البيت قالبه وشها بعد ما باباها أدها كلمتين حلوين على دماغها بخصوص لبسها و الماكياج و الكلام دا
المهم ركبت الأتوبيس و أعدت في أول صف كدا و بتقول (ياااه على القرف الي انا فيه مش لو كان الواحد عندو عربية كنت ارتحت) و طبعا هي مش في حفلة رومانسية فجأة لقت حد وراها ضربها على كتفها بصتلوا كدا بقرف و بتقول (خلي عندك شوية دم يا أخي )
قام الواد قالها ( معلش يا كتكوتة أدي الفلوس بئى للسواق)
هي عصبت و طار عقلها قالت لو (روح أنت أديله يا فالح و لو سمحت اخرس شوية لحد ما ننزل من علبة الايس كريم )
السواق : ايه يا انسه مش عجبك انزلي و خلي ابوكي يركبك الحصان الأبيض
ريم : احترام نفسك يا بتاع أنت و خلاص نزلني من الصاروخ بتاعك يا عم مش عايزه حاجه منك
الواد : خلاص انتوا شغالين ردح علطول كدا (اللهم ما طولك يا روح) اسكتوا شوية

و نزلت ريم اخيرا و راحت الجامعة ووصلت في ميعاد الحاضرة و أعدت هي و صحبتها رهام

ريم : اما انا خلاص زهقت من الارف الي بشوفه كل يوم
رهام:معلش استحملي هتعملي أيه
ريم : طب اكتمي شوية بئى مهو أنتي عشان عندك عربية مش حاسه بيه
رهام : لا يا بنتي مش على كدا ( و هي بتتكلم لمحت ريم الواد الي اتخنقت معاه في الأتوبيس )
ريم : بصي بصي عارفه الواد دا الي كان معايا في الأتوبيس و اتخنقت معاه
رهام : بجد كويس اتخنقوا بئى على طول
ريم : بس يا رخمه

و بدأت المحاضرة و فجأه لقت ريم الواد تاني ضربها على كتفها و بيقول (انتي يا انــــــــــسه)

نكمل الحلقة التانية

FIDOO · #2 (**permalink**) Jun-17-2008, 08:44 PM

هههههههههههههههه حلوه يا بوسى منتظرين الباقى بس متاخريش علينا ونبى

&بوسي& · #3 (**permalink**) Jun-17-2008, 09:53 PM

انا حاسه اني في المنتدى دا مع نفسي هههههههههههههه
يلا نكمل الحلقة التانية
وصلنا لفين مممممممم ههههههههه يلا

بعد ما محمد الرخم زق ريمعلى كتفها و بيقول
معلش يا آنسة أنا مش شايف منك
ريم : دا انت عليك رخامه قد دماغك بس بئى فاكر نفسك فين في الحضانه
محمد: المفروض يا ست مدرسة الحضانه انك تراعي اني لابس اساسا نضاره و تقريبا مش بشوف حاجه
و انتي لصقه ادامي و غميتي عليا حياتي و شكلي مش هكتب كلمة في اليوم الي مش فايت جا
الاستاذ: ريم و محمد قاعدين بئى في سوق الخضار يلا اطلعوا برا من غير ازعاج
محمد:ليه كدا بس يا ساتر عليكي و لا اتوبيس نافع و لا جامعة
ريم : بس يا استاذ هو الي كان بيكلمني والله حرام كدا
الاستاذ : يلا برا انتي و هوا خلصوا
و طلعوا المساكين يا عيني و لقى محمد ريم متعصبة و زعلانة و هتعيط خلاص
محمد: خلاص يا ريم اوعدك المحاضرة الجايه هخليكي تحضريها كامله
ريم :ههههههه يا رخامتك و سبته و مشيت
و تاني يوم ريم ركبت الاتوبيس لقت في وشها محمد قالها : يااا على الصدف (كان شايفها و هي رايحه تركب لحق نفسه)
ريم : يااه على القرف
محمد: ههههههه و كل يوم من دا مالك يا بت مدياني وش خشب كدا ليه زي ما اكون قتلت حد من العيله
ريم : هههههههههههههههه
محمد : ما انتي بتضحكي اهو امال مالك عامله رمضان ابو سره كدا ليه
ريم :هههههههههههههههه
محمد : انتي بئى دخلتي اعلام ليه
ريم :عشان مخنوقة شوية هههههههههههه
محمد : ههههههههههه
ريم : انا دخلت اعلام لاني بحب اتابع اخبار الناس و كدا و انت
محمد:و انا والله اعلام حلو و سهل وحابب ابئى مذيع
ريم : ( بتحلم بئى مع نفسك ) واو مذيع حته واحدة والله في طموح اهو
محمد : (اه شغلي الئر بئى ) انا عبال ما اشتغل يكون معايا مجستير
ريم :ههههههههههههههههه
و نزلوا من الاتوبيس و راحوا المحاضرة و كان كلو تمام و هما طالعين واحد كان عايزه ينقل محاضره من ريم و طبعا ريم فكرتوا بيعاكس
الواد : في ايه هو اانا وقعت في مسلسل رية و سكينه اهدي شوية
ريم : اه شغل انقل محاضرات بئى عشان تعاكس وله شكلي هشرحك في المدرج دا (شريره اوي ريم دي)
محمد سمع صوت ريم الي جاب لاخر الشارع
محمد : في أيــــــــــــــــه يا ريم

نكمل الحلقة الجايه بئى

une fille marocaine · #4 (**permalink**) Jun-17-2008, 11:35 PM

هاي انا لسى جديده هنا و قصتك عجبتني بس المشكله انك مجزءاها لحلقات قصيييييييييره قوييييييييييييي
المهم اتمنى انك تكمليها في اقرب فرصه و ما تخافيش انت مش لوحدك في المنتدى

&بوسي& · #5 (**permalink**) Jun-18-2008, 12:01 AM

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
مرسي خالص و ان شالله هكملها في اقرب وقت و اطولها شوية
كويس ان في حد رد اهو ههههههههههههههههههه لا بهزر انا بردوا جديده زيك

&بوسي& · #6 (**permalink**) Jun-18-2008, 12:02 AM

ترقبوا الاجزاء الجايه معايا

une fille marocaine · #7 (**permalink**) Jun-18-2008, 12:06 AM

طيب يا حبيبتي خودي راحتك احنا مش حنضغط عليكي
بس المهم انك تكمليها :d

jojo · #8 (**permalink**) Jun-18-2008, 12:09 AM

حلوة اوى يا بوسي

تسلم ايدك فى انتظار البقية متتاخريش علينااااااااااااااااا

&بوسي& · #9 (**permalink**) Jun-18-2008, 12:24 AM

مرسي اوي بجد و ان شالله هكملها

&بوسي& · #10 (**permalink**) Jun-18-2008, 12:50 AM

يلا نكمل

الحلقة التالتة

محمد: في ايه يا ريم صوتك جايب لأخر الشارع
ريم : حلاوه و كمان عرفت اسمي
الواد : يا عم شيل الوليه دي من ادامي دي هتاكلني
محمد : انت واد بارد يا أخي ( يعني متجيش تطلب الا من دي الله يعينك بئى)
ريم : سبوني عليه دا واد رخم و انا اعرف النوع دا كويس
محمد : لا اااا اعدي انتي يا ريم و يلا مادام خناقه تبئى للرجاله
الواد : دا انتوا مصدقتوا بئى

و طلعت خناقة سخنـــــــــــــه و محمد اتبهدل فيها بجد و الواد ياعيني زمانو في الانعاش

و بعد الخناقه طبعا ريم قلبها حن شوية و جت بالرقه جدا و قالت له
معلش بجد انا اسفه متزعلش
محمد : اه لا يا ريم دي بسيطه احنا نفديكي بأرواحنا ( ربنا ياخدك يا شيخه و نرتاح)
ريم : مرسي يا محمد خالص و متشكره اوي ( شكلك هتبدأ تعاكس و هبهدلك ) انا همشي بئى يلا سلام

و تاني يوم ريم كانت تعبانه جدا و مرحتش الجامعة
و محمد بئى داخل الحاضره و فاكر انها موجوده بس للأسف مجتش و محمد بدأ يحس انه متشد ليها بشكل غريب
و شاف رهام صاحبتها

محمد: رهااام ازيك عامله ايه
رهام : (استغراب) تمام و انت
محمد: انا كويس غريبة ريم مجتش انهارده
رهام : اه هي تعبانه شوية
محمد: اه سلامتها و ابئى بلغيها سلامي ( كويس والله اطمنا شكلي هصاحبها )
رهام : اه طبعا اكيد ( اعد احلم شوية )

و رهام لما رجعت كلمت ريم

رهام : ريم وحشتني خالص يا حبيبتي الف سلامة عليكي ( يارب تعدي بتاع اسبوعين كدا في السرير )
ريم : و انتي والله واحشاني خالص عملتوا ايه انهارده
رهام : مفيش حضرنا كام محاضره كدا بس انا مش كتبتهم عشان الاستاذ كان بيتكلم بسرعة و منقلتش حاجه( ثبتك )
ريم : اه شوفتي محمد
رهام : محمد مممممممممممم اه الواد الي اتخنقتي معاه اه شوفتوا
ريم : اه كلمك يعني قالك حاجه اني مجتش و كدا
رهام : لا خااااالص (شوف الكدب )
ريم : اها
رهام : ليه كنتي عايزه حاجه
ريم : انا لا خالص بس بسأل يعني (رخمه اوي )

و تاني يوم ريم جت الجامعة
و شفت محمد و كانت مبسوطه خالص
محمد : ازيك يا ريم سلامتك رهام قالت لي انك تعبانه
ريم : رهاااااام ااااااااه الله يسلمك ( حسابك معايا بعدين)
محمد : يلا عشان المحاضره تعالي معايا لحسن تتخانقي مع حد تاني
ريم : ههههههههههههههه يلا بينا

و دخلو المحاضره و بعد ما خلصت
ريم ماشيه و هي لسه هتروح بيتها و لقت محمد ادام باب الجامعة بيقولها انا اوصلك بئى احسن صح
ريم : (مش مرتاح للواد دا خالص ) لا مفيش داعي انا هاروح
محمد : تعالي مهو انتي بيتك قريب مني خالص
ريم : ممممممم خلاص ماشي يلا
و ركبوا الاتوبيس و محمد كدا حاول يكلمها
محمد : و انتي عامله ايه في المذاكره و كدا
ريم : مممم يعني ماشي الحال نص المحاضرات مش معايا
محمد : ليه
ريم : يعني مش بحضر ساعات و بغيب و كدا
محمد: طيب بصي اديني رقمك و انا اعرف منك المحاضرات التي انتي عايزاه و ادهالك انا اخدتها من زميلي
ريم : خلاص بكرا في الجامعة هبئى اقولك ( بالعافية بئى عايز تاخدو )
محمد: و على ايه مش عايز اتعبك هاتي الرقم و اان اكلمك
ريم : ممممممممم ( اللهم طولك يا روح و ادتلو الرقم )
محمد : اوك مرسي
ريم : انا الي مرسي والله بجد

و نزلت ريم و روحت بيتها
و هي اعده ع نفسها كدا بتقول
يا ترى هو عايز مني ايه هو مالو انقل المحاضرات و لا اذاكر و لا انجح و لا اسقط
ممممممم عموما مفهاش مشكلة هاخد المحاضرات و خلاص على كدا بس لو جينا للحق هو شاب كويس

و لما محمد رجع
والله البنت دي كويسه هي صحيح لسنها اطول منها و مش بفهم احيانا هي تقصد ايه
بس طيبة و كويسه و ان شالله تحس على دمها اني بعمل المحاضرات دي عشان خاطرها لحسن القيها
لصقتهم في وشي بكرا و اتخنقت

نكمل الحلقة الجايه من يوميات محمد و ريم