[&بوسي&]

هذا الموضوع ليس كوميديا و لكن هذا لا يمنع ان يوجد به ما يضحك
ولكن ليس كل الكوميديا ضاحكة و هذا ما اتناوله
ف موضوعى هذا حيث هذه الكوميديا تجعلنا نبتسم ف البداية من شدة الصدمة ثم نكاد ان
نبكى مما يحدث و مما وصلنا اليه من سطحية ف التفكير و قلة وعى او (تخلف).
[و ساسرد عليكم هذه المواقف الكوميدية التى رأيتها بنفسى و احزنتنى حزنا شديدا
احدى القنوات الفضائية قامت بعمل برنامج يعرض ف هذه الايام ممكن يكون بعضنا شاهده, اسم البرنامج اشتغالات ع ما اعتقد و المذيعة تقابل ناس (مصريين طبعا) و تسألهم بعض الاسئلة ,زى مثلا عواصم الدول اتفرجوا بقة الاجابة كانت اية؟؟؟؟؟؟؟
اول واحد بتقوله انت شاطر ف عواصم الدول و الحاجات دى بيقولها اةةةةة قالتله طب ايه عاصمة الكويت ؟؟؟؟؟؟؟؟؟؟؟؟؟ رد عليها و قالها ............. فرنسا(واحد مصرى طبعا مش مستورد)
واحد تانى بتقوله جمع مرأة ؟؟؟؟؟؟؟؟؟؟؟؟؟؟بيقولها .................مروان
وواحد تانى بيقولها مروات ودة بقه شاب جامعى.
و بتقول لواحد قول الحروف الابجدية (ا ب ت ث ........ المفروض ان احنا عارفين ان اخر حرف ى دة بقى بعد ال ى بيقول ف ق ............. و حروف كمان
و غيرة لخبطوا ف النصف و اللى معرفهاش و الخ............................. و ف نفس الوقت سالت نفس الشخص عن حروف الانجليزية قالهم و مغلطش ف حرف واحد.


وحلقة تانية كانت فكرة الحلقة انهم يدخلوا كلمة ملهاش معنى وسط الكلام (كلمة انجليزى) و كانت الكلمة stee(ستى) طبعا ملهاش معنى و هم هدفهم ان حد يقول اية معنى الكلمة دى علشان يعرف يجاوب, فسالت واحدانت مش شايف ان رمضان (ستى )اوى السنة دى.................... رد عليها قالها اصل احنا عادات و تقاليد لازم نعملها كل سنة ف رمضان!!!!!!!
وواحدة تانية بتقولها انتى (ستى) و لا.................... ردت بكل ثقة ...... طبعا (ستى ) مش مصرية !!! المذيعة سألتها يعنى اية (ستى ) قالت لها انا اعرف.........

شوفتوا احنا وصلنا لايه من التخلف و قلة الوعى.
و برنامج تانى و دة كان ع التلفزيون المصرى و ما اذكره ان المذيع كان بيسال مين كوندليزا رايس........... الرد كان مصنع حلويات , فندق ف شرم, صورة بتضحك من كل الاتجاهات قصده ع (موناليزا)

انا يا جماعة كتبت الموضوع دة لان كله بيضحك عليناو احنا كمان بنضحك ع نفسناو نفسى اعرف دور الاعلام الثقافى المصرى للناس الغير متعلمين راح فين و الا دور الاعلام دلوقتى يقعد يضحك الناس علينا و يبين(تخلفنا) قدام العالم كله.

طبعا الموضوع دا منقول على ايد واحده كتبته
و اتمنى يكون حد استفاد
و على راي عادل امام العلم لا يكيل بالبتنجان ( بعد اذن باتي )

[mahmoud11]

بس ميتهياليش ان فى حد بالسذاجة دى

مين المتخلف اللى يقول عاصمة الكويت فرنسا ده يبقى عبيط بجد

ممكن فى ناس ميعرفوش جمع امرآه ايه بس برضوا مش هيقولوا مروان يعنى

بس موضوعك جميل بجد يا بوسى و يدل على تخلف كتير من الناس

بس حلوه الحتة الاخيرة بتاعة البتنجان دى

[&بوسي&]

اه انا بردوا قلت كدا بس انا و انت مثلا معملناش احصائيات عشان نعرف العارف و الي مش عارف

في تخلف اكيد بس مكنتش اعرف انو بشكل دا خاصة بتاعت فرنسا دي !!!!


و مرسي لمرورك
نورت الموضوع