نكت سياسة يا رب تعجبكوا

crstiano Ronaldo · #1 (**permalink**) Jul-09-2008, 03:08 AM

مرة الريس كان فى لقاء لشباب الجامعات
فسأل طالب : تحب تطلع أيه ؟
قاله: وزير يا فندم ..... ، الريس قاله : أنت عبيط يابنى ؟..
رد عليه الطالب : هو ده شرط ..!!
مرة واحد مـسـيـحى سـأل الريـس : هو يـنـفع مـسـيـحى يـبـقى ريـس ؟
قـالـه : ولا مسـلم يــاروح أمـك

فى سنة 2076 سأل صحفى السيد الرئيس هيثم جمال مبارك :أنت ليه متجوزتش لحد دلوقتى؟
قال: أتجوز ليه! منا مستمتع مع الشعب.

مرة شعب عين رئيس و إستفتى على بقائة و بعدين إنتخبه بعد 24 سنة

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

منذ بضعة ايام كان يوم حلف اليمين...وكان جميع المصريين بإنتظار هذا اليوم

وقالوا للريس إحلف................ا

مرة الريس حب يعرف الشعب بيحبه ولا لأ فإتنكر ونزل الشارع ودخل على قهوة بلدى فلقى القهوجى معلق صورة صغيرة لعبد الناصر وصورة صغيرة للسادات وصورة كبيرة للريس فسأله : انت معلق صورة عبد الناصر ليه؟؟؟؟؟
قال له : لأنه هو اللى قام بالثورة
فقال له : طيب ومعلق صورة السادات ليه؟؟؟؟؟
قال له : لأنه هو اللى انتصر فى اكتوبر
فقال له : طيب ومعلق صورة اخينا ليه؟؟؟؟؟
قال له : لأنه ابو شريكى فى القهوة

اتنين أصحاب رجعوا من الإنتخابات فواحد منهم سأل التانى : إنتخبت وللا لأ؟؟
قال له : أيوه خبت ....وإنت؟؟؟؟؟؟؟؟؟
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

واحد من الجماعة المهمين سأل الاخ بوش في الخباثه : إنت ليه متأكد إن في
نووي;في العراق!!! بوش : لأن معايا الوصل اللي أبويا باعهلهم بيه

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

وهذه صورة سياسية

rl=[عزيزي الزائر يتوجب عليك التسجيل للمشاهدة الرابطللتسجيل اضغط هنا]][/url

cat · #2 (**permalink**) Jul-09-2008, 05:50 PM

هههههههههههههههه
جامدين قوى يا مجاهد
ربنا يوفقق ويستر عليك
ههههههههههه

&بوسي& · #3 (**permalink**) Jul-09-2008, 07:05 PM

تحفة بجد

مرة الريس كان فى لقاء لشباب الجامعات
فسأل طالب : تحب تطلع أيه ؟
قاله: وزير يا فندم ..... ، الريس قاله : أنت عبيط يابنى ؟..
رد عليه الطالب : هو ده شرط ..!!

بيفكرني بحد اعرفوا هههههههههههههههه

taher · #4 (**permalink**) Aug-17-2008, 03:05 PM

مرة واحد مـسـيـحى سـأل الريـس : هو يـنـفع مـسـيـحى يـبـقى ريـس ؟
قـالـه : ولا مسـلم يــاروح أمـك
جااااامدة جدا