الوان الكتابات الادبيه00الموضوع الاول للنادي الادبي

[سهم الحب]

اولا احب اشكر كل الاعضاء اللي اشتركوا معانا في النادي الادبي
ونبدا موضوعنا عن الوان الكتابات الادبيه
اولا الشعر
1-الشعر العامودي
وفيه بيلتزم الشاعر بالوزن والقافيه
2-الشعر الحر
وفيه بيلتزم الشاعر بالوزن وبيهمل القافيه
3-الشعر العامي
وفيه بيستخدم الشاعر لغتنا العاديه ولكن الاقرب للفصحي بدون تشكيل وليها نفس مميزات القصيده الفصحي سواء عموديه او حر
4-الزجل
وهي قصيده عاميه ولكن بنستخدم فيها الفاظ دارجه واحيانا متألفه او دخيله علي لغتنا العربيه
وبتتميز فقط باللحن الداخلي فيها كانها غنوه
5-قصيدة النثر
وهي قصيده بيكتر فيها الخيال والصور البديعه والاحاسيس ولكن لايهتم الكاتب فيها بالقافيه او الوزن
6- الشعر الحلمنتيشي
الاسم غريب لكنه لون جديد ابتدعه البعض وهو مزيج من الفصحي والعاميه داخل نفس القصيده لكنه شعر غير مستصاغ0
يتبع

[سهم الحب]

وذي مالشعر له الوانه كذلك القصه ليها الوان متعدده
1- الروايه
وهي قصه طويله لها اكتر من بطل او بتضم اكتر من حكايه او قصه بيربطهم مكان واحد او خط درامي واحد
2- القصه العاديه
وهي قصه لها بطل واحد بتركز عليه الحدوته او الحكايه
ولكن خلال فتره قد تطول او تقصر
3- القصه القصيره
هي لمحه او قصة مختصره قد تصل الي سطر واحد فقط وقد تروي حكايه او ترمز اليها باختصار
4- الحدوته
هو لون قد يبدو سهل الا انه من اصعب الكتابات لانه في الغالب بيضم فكره او مثل او نصيحه بنحاول بصوره مبسطه لتوصيلها مثل حواديت الاطفال

ارجوا اني اكون وفقت في ذكر الوان الكتابات الادبيه
سواء الشعر او القصه
وهناك الوان كتيره تانيه من الكتابات الادبيه ذي المقالات الادبيه وادب الرحلات والنقد
لكن اعتقد مش محتاجين للكلام عنهم

وعموما انا في انتظار اي استفسار عن اي شيء في الشعر او القصه وهكون سعيد جدا باضافه اي معلومه عن الشعر او القصه من اي عضو

وبدعوا جميع اعضاء النادي الادبي لاول اجتماع يوم الجمعه القادم باذن الله بعد الساعه تسعه في شات مصري كول واتمني من الجميع الحضور من اجل تنظيم العمل بينا في النادي الادبي

[cat]

اوكية يا علاء انشاء الله هنكون موجودين وربنا يوفقق فى تكميلة

النادى الادبى ويكون مصدر مفيد لكل عضو وزائر

اتمنالك التوفيق

[سهم الحب]

شكرا كات انا عارف مدي نشاطك وحبك للمنتدي

وربنا يوفقنا جميعا

[&بوسي&]

ان شاء الله يا سهم

و ربنا يوفقك و الموضوع يبدأ بداية موفقه

[سهم الحب]

كل امنيتي انه يجمعنا ع الخير باذن الله

وقوة الموضوع ونشاطه وحيويته يابوسي

هيكون بتفاعلكم ونشاط كل الاعضاء في النادي

[نسيم الروح]

اهنيك يا علاء على بداية النادى الادبى

البداية بتقول ان الموضوع هيعمل تغيير كبيراوىبالمنتدى الادبى

ان شاء الله يكون له اثار ايجابية كتير

على مستوى المنتدى والاعضاء

ربنا يوفقكو يارب

[سهم الحب]

بمشاركتكم كلكم معايا يادينا

انا مش هقدر اعمل شيء لوحدي

والاهم من دا كله المنتدي يفضل شغال

لان انقطاعه بيضيع مجهودنا

ياريت ايتوا يشوف حل واحنا كلنا بنتمني وجوده معانا في اجتماع بكره في شات مصري كول