تدخين الفتاة موضة أم حرية ؟؟؟

[&بوسي&]

المشكلة ان الموضوع كلوووو غلط

على الشاب و البنت


طيب دلوقتي مفيش بنات كتير بيشربوا


بكرا تطلع موضة و بعده عادي و بعده وراثه كمان


زي الراجل بالظبط و زي امريكا و الدول التانية


فين بئى الحل الي نلحق بيه الي بيحصل دا!!!

[mahmoud11]

لا يا بوسى فى بنات كتير جدا بتشرب سجاير

يمكن انتى لابسة نضارة بس مش واخده بالك

هههههههههههههههه

فعلا كلامك صح يا بوسى

بس انا شايف ان ده سببه حاجتين

اول حاجة القدوه اللى هى الاب و لا الام

لما الابن يشوف والده او والدته بيشربوا سجاير ويجوا يقولوه متشربش سجاير

اكيد هيحس بتناقض غريب فى شخصيتهم

يعنى ازاى يقولوا ليه متشربش سجاير وهما فى نفس الوقت بيشربوا

حتى انا ملاحظ ان معظم الشباب اللى والدهم بيشرب سجاير

هم كمان بيشربوا سجاير

تانى حاجة بقى التربية

التربية متهيالى بتفرق كتير اوى فى الموضوع ده

اكيد لما البنت او الولد متربين كويس وطالعين فى بيئة محدش فيها بيشرب سجاير لا الاب و لا الام

فمش هيكون ليهم اى دافع انهم يشربوا سجاير

[&بوسي&]

ههههههههههههههههه

لا نظري تمام

لا مش كتير بيتهيألك دا اشاعات

التربية اهم شيء والله فعلا

لازم الاولاد يتقتدوا باهاليهم

و يعرفوا ان دا غلط قبل ما يكون عادة اجتماعية سيئة


مستحيل تلاقي بنت او شاب مثلا اهلهم مش بيشربوا و هما بيشربوا

او البيئة الي فيها مش بتشرب

لازم في خطأ او خلل المفروض يتعالج

[mahmoud11]

فعلا يا بوسى

كلامك كله تماموووووووزات

هو الغلط الاساسى من الاب والام والتربية والبيئة

ياريت هما يبتدوا بنفسيهم الاول

ربنا يهدينا ويهدى كل المسلمين

[همس الدموع]

بشكرك بوسى لاهتمامك بالموضوع انتى وحودة بس على فكرة مش شرط يكون الاب والام بيشربوا سجاير

وبردو ممكن يكون الاب والام مربيين اولادهم كويس اوى وولاد ناس وكل حاجه بس يتلموا على اصحاب يفسدوهم

[mahmoud11]

اكيد طبعا يا ريكا

بس احنا بنتكلم على النسبة الاكبر

[همس الدموع]

صدقنى يا حودة اكتر اللى بيشربوا سجاير سواء شباب او بنات بيبقا صحابهم هما السبب فى كدة

[cat]

البنت الى بدخن مش بيهماها المكان الى بدخن فية لان كل هما انها تدخن وخلاص


اذا كانت بدور على الضرر او الذوق العام مش هتفكر فى التدخين
دى عادة سيئة واسلوب مش محضر رغم انها بتقول دى حرية شخصية وتحضر
التحضر ان الانسانة تحافظ على شكلها ومش تحط نفسها فى وضع شبهات والمحافظة على المنظر العام بتعها

[همس الدموع]

تسلمى داليا وردك جميل

[sweet girl 1]

تدخين الفتاة موضة أم حرية ؟؟؟

لا ده اسمو تخلف هههههههههههههههه
هو انا مش مركزة قوي يعني عشان ارد بس

هم بيبقو شايفينو حاجة كووول ..او يمكن لان البيت كلو مدخن فبتقول وانا بالمرة في الجروب

يعني تقدري تقولي قلة وعي على هروب من المشاكل على تقليد على قلة دين على مشاعر مشتته في مليون اتجاه ..

في اكتر من سبب

ومتنسيش مسأل المساوة الغريبه ال الغرب اخترعها بردو ليها دور اشمعنى الراجل يدخن؟؟

بس بشكل اكبر ده كلو يعتبر قلة وعي وطيش